Thursday, 16 April 2009

الفرق بين الزوجة الليبية والزوجة السورية




هدا ايميل جانى من احد الاصدقاء هو عبارة عن مقارنة بين الزوجة الليبية والسورية, لاتخلو من الطرافة ولا تخلو ايضا من الحقيقة, عموما حبيت نشاركم بيها لان فيها كثير من النقد للواقع الاجتماعى للاسرة الليبية, مع احترامنا الشديد للمراءة الليبية لكن للاسف مازال تبى واجد بيش طور من ثقافتها الاجتماعية.


اذا وقع زوجها على الدروج :
السوريه : ولي على آمتي ، سلامتك حبيبي إن شاء الله أنا ولا إنت ابن عمي . { ميتة من الخوف عليه} .
الليبيه : شنو ..كنك.. طيح سعدك .. دخت ؟ تستـــــــاهل .. مانك تمشي زي العمى وما تشوفش في اللي قدامك .


الزوج يعتزم السفر في مهمة عمل :
السوريه : دير بالك على حالك إبن عمي ، جهزتلك الشنطة ، كتّر خيرك على الأغراض اللي اشتريتها ، بيكفوا سنة ، الله لا يحرمنا من دخلتك علينا ، أولي على آمتي، تروح وترجع بألف سلامة
الليبية : ( أسبوع خلقتها مبرومه قبل السفر) ، وكل شوية دموع، وأمتى تبي تروّح؟ ومع من ماشي ؟ كنك ما تشيلنيش معاك ؟ مش تبصكل في البنات !! إحلفلي إنك ما تعفس مكانات فيها بنات ! ما تتأخرش ، ينقصنا شي وانت مسافر ما نلقوش مِن ايجيبا .. وكل يوم تتصل بالتلفون بيش تشوف أنت وين مفرهد؟ وأنا يانا اللي حاصلة في الهم اللي خليتني فيه ، وبيش نحكيلك عالولد و حرارته، وبنتك اللي اتدير مافي راسها .. ( هوايتها نكد )

عند العودة من السفر :

السورية : ( تذهب للمطار لإستقباله ومعها وردة ) والله إشتأتلّك حبيبي ، كأنك غبت عني 100 عام ، والله الحياة من غيرك مالها طعمة تؤبرني حياتي

الليبية : (قاعدة في حوش بوها تستنى فيه) ، وأول ما تشوفه تنوض اتبك فيه زي المدفع ، مش قلت أمس تبي تروّح كنك زدت يوم ؟ وجبت الحاجات اللي قتلك عليهن أنا وأمي وإلا جاي تهز في طولك .


إذا الزوج تأخر بَرّه فى شغل أو مع صديق :
السورية : شو إبن عمي ! غِلي ألبي عليك تؤبشني يا روحي وكثير شغلتلي بالي، تؤبرني ما تتأخر عليي كثير مرة تانيه عشان بشتائلك أنا ، إن شاء الله إنبسطت ؟
الليبية : شرّفت يا أفندي !! وين كنت غاطس؟ ماهو أنا خدامة في الحوش ، طول نهاري نكنس و نمسح !! وإنت إتذوح مانك مخلّي مُطراح ، مع من من أصحابك كنت تنسرف ؟ شنو جبتلنا معاك ؟ وإلا جاي تصفق في يديك !! ، باهي اللي عرفت أن لك حوش وعيلة وروحت ..


إذا طلبت شئ منه :
السورية : إبن عمي تؤبشني تؤبر ألبي ( كله تؤبــر) حبيب ألْبي فيك تجيبلنا شي حلو من ديّاتك الحلوة ، وعلى زوئك شو بعشق زوئك يا مِزوئ ياحياتي .
الليبية : أغلط مرة في حياتك وجيبلنا حاجه معاك ... بكلاوة وإلا بسبوسة ، نبي حاجه نحلي بيها ريقي اللي أمرّ من هالعيشة اللي معاك { بالله مش ذبحها حلال }


إذا جابلها هدية :
السورية : يسلّملي إياك ابن عمي حبيب ألبي ، يااااااي شو بتجنن عنجد عنجد زوئك بيعئد ، تؤبشني بتجنننننننننن الله لايحرمني منك يا عمري
الليبية : والله غاب وجاب، وشوف شنو جاب الغراب لأمه، من وين شريتها وكم حقها هذي ؟، وفلوسها وين لقيتهن مش ديمة تقول ما عندكش فلوس ؟ الله يقطع ذوقك ان كان جبتلي شلاكه نشلك بيها خير


اذا تبي شئ منها :
السورية : من عيونى ابن عمى تؤبرنى بتؤمر أمر ابن عمى ولووو ، غالى والطلب رخيص مو على عيني يا عيوني ، شو بعبد سماك أنا .. دخيلو أنا شو بحبووو على راسى حبيب ألبي ..
الليبيه : ماهو حرام انتريح شوية ، لازم حياتي ديمة تعب ونكد ، ماهو مفيش غيرك فى الحوش؟ أنا مش فاضية ، إمشي انتلف شوفلك حاجه تلهى فيها ، مرارتي فاضت خلاص .... اففففف اففففف .


لو طلبت منها فنجان قهوة :
السورية : من عيونى ابن عمى، أحلى فنجان بُن من دياتى يستاهل تمك، وبدياتى راح شرّبك كمان ، تعبك راحة ابن عمي، ما في اغلا منك حبيب ألبي ( تخيل عاد فنجان القهوة كيف محلاه )
الليبية : قلتلي تبي قهوة ؟ اههم خوتك فى المربوعه برا اسمسم معاهم، وإلا إمشي لأمك إديرها لك ، تبيني إنسيب شغلي إللي في إيدي ونديرلك قهوة!؟ (علماً بأنها تهدرز في التلفون في هذا الوقت )


اذا قاللها (تبي شي؟) وهو طالع :
السورية : تسلملى حبيب ألبي ابن عمى ، مابدي غير سلامتك ، مكفينى من كل شئ مو نأصنى شئ ، تسلملى يا روحي ، بس حبيب ألبى ما تتأخر كثير بشتائلك أنا ابن عمي ، بدك اعملك شى لمن ترجع؟ ( بتكون غبى لو طلعت وخلّيتها)
الليبية : لأأأأ (طول شواربها شبرين ومِلْويات لين لونهم أزرق) ... ما نبي شي، وين ماشي؟ إن شاء لله ناوي اتطول وتخلّيني بروحي زي الهجالة.. جيب معاك كوافيل للعيل وإنت جاي واستيكة دحي وكرت ليبيانا وحليب وحكتين تن وجبنة وباكو صابون غسالة ومتنسش الدقيق . (هذا قالت ما تبي شئ )


الذوق والتنويع فى الاكل :
السورية : سلطات، تبولة، فتوش، محاشى، شوربات، كِبه بأنواعها، محمّر، مشمّر، يعني سفرة عامرة من كلّه، بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى ؟ دوء هاي من إيدي، طيب كمان هاي دوءها واحكيلى شو رأيك، طيب هاي كمان وحياتي لتاكلها من ايدي ابن عمى نفسك بشي وماعملتو ؟ صحتين على ألبك ابن عمي .( هي ما تاكلش بس مقعمزة بحداه)


الليبية : لوعندها كل أنواع الخضراوات، والثلاجة مليانة بكل شئ ، ما تطمعش بأكثر من مكرونة والا رز ، وإذا كنت محظوظ إديرلك معاها سلاطة وطبعا ... شواربها شبرين قدامها ، وتبدأ في الشكوى واتحطّلك المشاكل فوق الطاولة ، وأول ما تبدأ ... اليوم نبي نمشي لحوش هلي، وإذا حاولت الإعتراض أو الكلام فسيكون الحديث كالتالي: اليوم جت فاتورة الضي والميه، لازم تدفعهم ، (كأنها متشمتة فيك) . واليوم انكسرت يد الشيشمة إمتاع البانيو ، وبعد ما تكمل غداك عدي جيب الراجل يصلحها ، ولدك يبي 120 جني يشري بشكليطة زيه زي العيال . واشريلي باكو شوكولاطة بيش نمشي لجارتي مرزوقة اللي ولدها انجح من الأوايل

29 comments:

Nasimlibya said...

التعليق الاول


محجوز


ل


سراج


;)

angel said...

السلام عليكم

واللة موضوعك ضريف ومضحك جدا هههههههههههه

بس اسمحلى واللة البنت الليبية مستحيل تلقا زيها يكفى انها ليبية وبنت بلادى

سلام

siraj said...

شكرا شكرا يا نسوم وبارك الله فيك

اسملة علي اللى ما عنده خية كيف نسوم

________________________

وين التهور هذا يا مذرلاند كيف ناوي تنتحر حي عليك انا خايف عليك اتجى شي طرف لوحة والله حيطة فى راسك وين يا شيخ على الشجاعة هذي
ههههههههههههه

شوف انا مش راح انعلق طبعا...مش كونى خايف اتجي حاجة فى راسي لالالا انت عارفني ما انخاف
بس مش راح انعلق على الموضوع لاني مش عارف الكلام هذا حقيقي والله غير نظرة متشائمة لزوجة الليبية

هو صاح لما اتفرج على المسلسلات الليبية والمسلسلات السورية اتحس ان فى فرق خصوصا لما اتفرج على الممثلة هذي انسيت اسمها ....لا الله الا الله هذي يا راجل الشينة بكل اللى شيانتها اطير العقل...ايوا اذكرت سولاف فواخرجى ....
اتحس ان فى فرق بس برضوا مش راح انعلق لعند ما انخوض التجربة يعنى نزوج ليبية وسورية وبعدها نرجع وانعلق

مع انى متأكد وحط كلمة متأكد 100 خط ان زوجتى الليبية مش راح اتقولي الكلام المكتوب فوق بس اهو حلو الواحد ايخوض التجربة ومرات انوسع التجربة اشوي وانقارن الزوجة الليبية بالبنانية او المصرية
هههههههه

خليني نمشي اهو من توة جتنى حيطة اتفط

Gigi said...

السلام عليكم
صار سوريه
؟؟؟؟؟
والله صوابع ايديك مش زي بعضها
وبعدين زي مافيه الصالح فيه الطالح
أستودعك الله

Motherland said...

Nasimlibya ....

يااااااي شو بتجننى يانسوم, عنجد عنجد زوئك بيعئد كلك زوق,,,,,,توا خلاص مافيش الا سراج تحجزيله شوفى واحد راقد ريح زى ميمى مثلا والا مى والا مدرلاند ...تى هضا سراج ديما الاول ولا التانى على اقل تقدير لكن المساكين الاخرين ديما يجو متاخرين خلى عندك احساس بالاخرين يانسيم.

Best regardS

Motherland said...

angel ....

هو كونا مستحيل تلقى زيها اكيد مستحيل مافيش زيها فى النكد طبعا, هده حقيقة خوى اسامة ماينكرها حد ومشكور على مرورك وخلينا نشوفوك دائما هنا.

Best regardS

Motherland said...

siraj ...

تؤبشني يا ياسراج كثير شغلتلي بالي، تؤبرني شيل هالفكرة من راسك انك تتزوج ليبية وسورية انت تخلط النار بالزيت والنتيجة تنحرق طبعا ,نصيحة تزوج وحدة بس, نحن موش قد النساء فى الوقت هضا وكان قدرت خودها سورية ماقدرتش خودها نص ليبية رد بالك تاخد ليبية كاملة تنجلط على طول ايوا,ما تتأخر عليي كثير مرة تانيه عشان بشتائلك أنا .

Best regardS

Motherland said...

siraj ...

على فكرة مالقيتش اشين من فواخرجى تحكى بيها ...السوق يبى منافسة وانت عارف الحال!! ...قولى ماعرفتش من صاحبة الصورة الى فوق موش بعيدة من فواخرجى بس لبسناها الزى الليبى بيش تعبر عن الموضوع؟

تحياتى

Motherland said...

Gigi ....

ولي على آمتي ، انت زعلت جى جى خلاص نعاهدك معاش نفكر فى السورية ابدا, بس برضو موش حنفكر فى الليبية ....وادا صار يبقى الشعار هو ايش الى جبرك على المر الى امر منه .

Best regardS

holyday said...

السلام عليك
والله ضحكت لين جنبي وجعني
كاني مش ليبيه
هههههههههههههههههه


بس شن نقول هدافي المسلسلات وتندير عليهم في الواقع كيف؟؟

وين رايح اخرتك اخرتك تاخد ليبيه وحده واتقه ههههههه

شن قصة صورة لميس ماتقولش تفكر في تركيااات
ههههههههههههههههههه


اسعدني مرور عندك
اختك
فتاة من زمن اخر

Motherland said...

holyday ....

سلامة جنبك ياهوليداى ,والله لايحرمنا من دخلتك علينا,,,,,
اكيد اخرتى للهلاك حناخد ليبية, وشن يبى يقول الواحد حسبى الله ونعم الوكيل .
المشكلة الليبيات موش معترفات بالفارق هضا, انا موش عارف هنا عليش يتفرجن على المسلسلات السوريةو التركية وبعدها ترفع خشمها عليك, تقولك انا ومن ورائى الطوفان.

Best regardS

حنان شلبي said...

مرحبا

تعليق بسيط

بتحب احكيلك الفـــرق بين الرجل الليبي والرجل الشامي (سوري ولا فلسطيني ولا اردني)

ولا بلااااااش!!! اخ بس خليني ساكتة احسن هم ببكي وهم بيضحك وهاد للاسف الهم الي بيضحك
كيف بنسمح لحالنا انقارن بين بنت ليبية وشامية والفــــــــــــرق بين الرجل الشامي والليبي متل الفرق بين السما والارض بيكفي مافي عنف ولا قسوة عنا ببلاد الشام ولا بتحب اكتبلك مقال عن طباعكم الصحراوية

تحياتي

Motherland said...

حنان شلبى ....

ياريت والله ياست حنان تحكيلنا على الفرق بين الرجل الليبى والسورى من باب المعرفة وتاكدى نحن نستمع الى النقد بصدر رحب وعلى العموم المقالة متاعى كانت من باب الدعابة والنقد للمراءة الليبة وليس اكتر .
بس نحب نهوه الى ماذكرتى من ان الرجل السورى ماعنده عنف ولا قسوة مزبوط كلامك الرجل السورى يتميز بالرقة والانوثة اسف قصدى الرقة والاحساس المرهف ...وبالنسبة للصحراء من باب التذكير فقط ان الصحراء هى التى انجبت الابطال فى التاريخ العربى وعلى راسهم النبى محمد عليه الصلاة والسلام ...ونحن عندنا مقولة مشهورة تقول ان الصحراء لاتنبت العشب ولكنها تنبت القيم والمبادئ ...دمتى فى خير

Best regardS

LiLy said...

معقولة في زوجة ليبية بهالمنطق و الاسلوب ..!
(وجه سمايلي مصدوم)

أنفاس الرحيل said...

موضوع ضريف ولكن اظن ان بنت البلد هى اكثر انسانه ستفهمك وتسعدك .. وعلى فكره لكل قاعده شواذ نحن لا نرى تلك الفتاة السوريه الا فى المسلسلات ولكن تظل للبيوت اسرار

دمت بخير

Brave Heart said...

ولي على آمتي
ولي على آمتي
ولي على آمتي
والله حرام عذاب فى الدنيا وعذاب فى الاخرة

riyadh said...

السلام عليكم
أنا أشكرك في طريقة ردك للأخت حنان شلبي
وموضوعك يلخص حكمة الإمام عمر
من لم يتجوز شامية مات أعزب
لا أنا ولا غيري بنجو ضدك يا ماذرلاند
لأن الأمام عمر مايقولش في كلام عن فراغ
وشكرا

Motherland said...

LiLy....

قصدك موش ليبية انت ...ولا تبى نقولو انك سورية ...ممكن تطلعى تركية.

شكرا لمرورك وخلينا نشوفوك مرة اخرى.

Best regardS

Motherland said...

أنفاس الرحيل ....

لكل قاعدة شواذ صحيح ,لكن القاعدة هى ان السوريات افضل من الليبيات للاسف طبعا, والافضلية نحكو طبعا فى الذكاء الاجتماعى موش شى اخر ,راكى تسحبينا نحكو عالجمال مثلا ولا على خفة الدم لا لا لا موش ممكن الليبيات يتوق عليهن حد فى النكد اه قصدى فى خفة الظل.مع العلم ان الليبيات والسعوديات فى نفس الخانة ان لم يكن اسواء.ومشكورة على مرورك وتعليقك الاول ونرجو ان يتكرر رغم الرد الصريح وانشالله مايزعلكش.

Best regardS

Motherland said...

Brave Heart ...

ولى على أمتى ,تؤبشني تؤبر ألبي ,تتعذب فى الدنيا وكمان فى الاخرة ,,,,ولك تستاهلها انت بالذات تستاهلها ,وشوية عليك عذابين المفروض فى عذاب اخر فى النص بين الدنيا والاخرة.

Best regardS

Motherland said...

Riyadh ...


بارك الله فيك يارياض باهى الى قتلى على كلام سيدنا عمر رضى الله عنه, والله ماكنتش عارف لكن توا لما عرفت خلاص لازم انفذ,بعدك انا يعز على واجد سيدنا عمر بجد نحكيلك طلعنا نفس التفكير شفت,مع الاحتفاظ بفارق المكانة طبعا.شكرا على مرورك وتعليقك القيم جدا
Best regardS

حنان شلبي said...

عزيزي

انا مو واقفة ضد الشب الليبي انا واقفة ضد نظرة الشب الليبي السطحية بكتير مرات ببنات ليبيا
مع الي شفتو بناتكم بجننو ومثقفات ومتعلمات وجميلات
والمنطق والعقل بيحكي قابل زوجتك بالاحسان والعطف بتقابلك بالطاعة والحب
يعني قدم السبت بتلاقي الحد سواء ليبية ولا سورية ولا صومالية حتى

تاني شي الشب السوري ولا الفلسطيني ولا اي شب من دول الشام كلها مو مستني الصحرا ليكون رجال شكلك ما بتعرف جغرافيا كتير منيح ولا كنت عرفت انو عندهم كمان صحرا متل معندكم
الرك مو عالصحرا الرك عالتربية
بتهيألي دول الشام شبابها ما بدهم حد يدافع عنهم ولا تاريخنا الي كاااااان وما زاااااااااااااااااااال بدو حد يحكي عنا نحنا شو

تحياتي الك

Anonymous said...

لقد قرات الموضوع مرتين و هو لا يخلو من الظرافة و يبدو بكل وضوح ان صاحب المقال قد اتعب نفسه ليظهر المقال على ما هو عليهالامر الذي يشكر عليهمن التفاني في انتقاء الكلمات ولكن لي تعقيب ونقد اولا واضح يا صديقي انك غير متزوج الامر الذي يجرح في شهادتك لانك لا تعلم ما فيه الرجال المتزوجون من الليبية من سعادة و ما فيه الرجال المتزوجون من شاميات من تعاسة و بؤس ثانيا اذا كنت متزوج من ليبية _وهذا محل شكي_ فلا ينبغي ان تعمم تجربتك الفاشلة على كل الليبيات اذ يمكن ان تكون انت سبب فشل هذا الزواج واخيرا اقول لكل من علق لا مانع من الضحك بشرطين الاول بدون عنصرية و الثاني بدون تعميم و السلام عليكم مع احترامي الشديد لصاحب المقال

dr.butterfly said...

hi there motherland...!
i've seen alot of these comparison, all over the net... it makes me wonder who wrote it in the first place... i'm guessing a syrian 3anis lady that is geluse of the libyan ladies of having great men and great marriges!! so she was trying to steal it from the libyan ladies and she thought of this!!!! :)
all i can say is that some libyan lady should do a compairison with a libyan man and a syrian man.... that would make the libyan man... welll.... what can i say?!?!... you'd know best...hehehe!!

all around the world everyone looks at how the grass COULD be greener on the other side.... and i said could.....!! hehe

thanks for the post... and good luck on whomever culture you decide to get yourself into...hehehe!!

sallam!

dr.butterfly said...

oh yea btw, have you read the one b/w eygption women and libyan women...
us libyan women are soooooo great all the other women envey us.... and they do that to make us look bad.... it's not gonna work..hehe!!

زنوبيا said...

السلام عليكم ورحمة الله وبركاته

موقع سوريا في الخريطة واضح

توكل على الله وخوذلك سورية

هدى said...

سلامات ياوليد بلادي

بارك الله فيك وان شاء الله ربي يرزقك السورية اللي تبيها

Motherland said...

هدى
مرحبتين باختنا العزيززززة هدى ,شفتى معاملة الرجل الليبى

خلى عندك روح رياضية ياهدى عموما
انا حنتزوج من ليبية ...مرغما اخاك لابطل ....وانشالله التوفيق للجميع وخصوصا لك ...


Best regardS

DrHarun Musa said...

إلى أعزائي جميعا
من كتب المقال وكل القراء
لكم خالص التحيا
حقيقة أنا دخلت للمقال هذا بالصدفة
كنت وقتها أكتب في الجوجل الفرق بين وظهر مباشرة لي خيار الفرق بين الزجة الليبية والسورية وأنا لم أكمل بعد ماأريد البحث عنه (الفرق بين العقل والمخ) المهم نقرت على الرابطhttp://www.doctors.ly/forums/t-24994.html
وقرأت الموضوع
الأول وهو منشور في مكتوب وكاتبه أظهر الليبية على انها زوجة مخلصة ومرفهة الإحساس وطيبة وصبورة
بينما أظهر السورية بأنها نقاقة وكثيرة الشكوى وعظيمة البلوى وعسيرة المراس

أما في الجوجل بلوج فالكاتب أظهر الموضوع بالعكس
ماأود قوله هو أن التعميم ظالم وفي كل مكان يوجد السئ والحسن والناس أجناس أينما كنا
وبالتالي أرجوا ان يبتعد ويترفع أمثالكم من الشباب المبدع والمفكر عن الجهوية والإثنية وأن نرتقي بفكرنا إلى العلياء (دعوها فإنها منتنة )وأرجوا أن تركزوا على الوسائل والأفكار التي تساعد الشباب على أن يكونوا أزواجا صالحين وزوجات صالحات وهنا يحضرني اسم شخصيات سامقة في هذا المجال
الأول الدكنور والداعية جاسم المطوع وهو من كبار المتخصصين في الشأن الأسري
والثاني الدكتور والمدرب صلاح الراشد وقد كتب كيف تكسب محبوبتك وكيف تكسبين محبوبك
والثالثة هي الداعية المبدعة نوارة هاشم وهي بحق من الصادقات
لكم خالص التحايا وأرق الأمنيات
د.هارون موسى
harunmusa1@gmail.com
طبيب ومدرب تنمية بشرية